21 Sep,2023

नेपाल शिक्षक महासङघ, केन्द्रीय समितिको आह्वानमा नेपालका सामुदायिक बिद्यालयका शिक्षक, कर्मचारीहरु आन्दोलित बनेका छन । शिक्षक महासङ्घ लगायतका शैक्षिक संघसंगठनहरुले बिरोध गरिरहेकै बेला सरकारले एक पक्षीय रुपमा ल्याएको शिक्षा बिधेयक जबरजस्ती पास गराउने उद्देश्यले सङघीय सम्सदमा दर्ता गरेपछि शिक्षकहरु बिद्यालय बन्द गरेरै सडक आन्दोलनमा उत्रिएका हुन ।

शिक्षकले बिगतमा पनि पटक पटक आफ्नो हक, अधिकार र पेशागत सुरक्षाका लागि आन्दोलन गरेकै हुन तर सामुदायीक बिद्यालयका शिक्षकप्रती सरकार कहिलै सकारात्मक हुन नसकेको र सधै षडयन्त्रमूलक रुपमा सम्झौता गरेको फलस्वरुप यसप्रकार राजधानी केन्द्रीत आन्दोलन चर्किएको हो ।

सरकार सधै शिक्षकप्रति नकारात्मक रहने र शिक्षक महासङघ सधै बिद्यालय कर्मचारी र अस्थायी शिक्षकप्रती नकारात्मक रहने पुरानो अनुभव छ । यसपटकको आन्दोलनमा पनि स्थायी शिक्षकका बढुवा सरुवा लगायतका आफ्ना माग सम्बोधन भएपछी कर्मचारी र अस्थायीहरुलाई लात मारिने त होइन ! आसङका कायमै छ ।

सरकार र आन्दोलनकारी पक्षबीच आजबाट बार्ता सुरु भएको छ । यो बार्ता फलदायी बन्नुपर्छ र स्थायी समाधान तर्फ उन्मुख हुनुपर्छ तथा बिद्यालयहरु बन्द गर्ने परिपाटी सधैका लागि बन्द गर्नुपर्छ भन्ने आम धारणा रहेको छ ।