17 Mar,2025

बिराटनगर / चैत्र ४ / मोरङको बुढिगङ्गा गाउँ पालिका वडा न ५ स्थित कर्बेनटोका भन्ने स्थानमा रामास्वमेघ यज्ञ तथा पन्च महायज्ञ हुने भएको छ । सो यज्ञ २०८१ चैत ३० गते शनिबार बिहान ७ बजेदेखि संचालन हुनेछ ।सिंगिया त्रिबेणी धामको बिकासको लागि प्रारम्भिक खर्च जुटाउन उक्त एकदिने यज्ञ गरिन लागेको जानकारी आज आयोजीत पत्रकार भेटघाटमा गराईएको हो ।

त्रिबेणी धाममा बजरङगबली, शिव पार्बती लगायत पन्चदेबको मन्दिर निर्माण गर्नुका साथै बाल उध्यान, स्नान घर, शौचालय, शुद्ध पिउने पानीको ब्यबस्था तथा बातबरणीय अनुकुलताका लागि आबस्यक सबै कार्य गर्ने उद्देश्य रहेको छ ।

त्रिबेणी धाममा रहेको ऐलानी जमीनको सदुपयोग गरि उक्त स्थानलाई मोरङ्को पर्यटकीय केन्द्र बनाउने उद्देश्यले गत २०७८ सालमा शैभाग्य रणकाली धामको नाममा एक संस्था पनि दर्ता गरिएको छ । सो संस्थाका अध्यक्ष हरिचरण बिश्वासका अनुसार गुरुयोजना बमोजिमको काम सम्पन्न गर्न करिब पाँच करोड रुपैया खर्च लाग्ने छ ।

मोरङमा महत्वपुर्ण धाम भएर पनि बिकास हुन नसकेको स्थान त्रिबेणी धाम हो । यो ठाउँ मुराहा,सोताहा र खादम नदीको सङ्गम स्थल हो । यी तीन नदी मिसिएपछी बिराटनगरको चर्चित सिङ्गिया नदी बन्दछ । त्रिबेणीको करिब पाँच बिगाहा ऐलानी जमीन उपयोगबिहिन भएको छ ।त्यसै ठाउको बिकाशका लागि स्थानीय जनता लागिपरेका हुन । अहिलेसम्म स्थानीय सरकारको रुपमा रहेको बुढिगङ्गा गाउ पालिकाले चासो नदिएको उनिहरु बताउछन । सो क्षेत्रका संघीय साम्सद डा शेखर कोइराला, प्रदेश साम्सद जीवन आचार्य र छिमेकी साम्सद अमनलाल मोदी समेतले ध्यान नदिएको पनि स्थानीय जनताको आरोप छ । उनिहरुले उक्त ठाउको बिकाशका लागि सहयोग गर्न सबैसँग अपिल गरेका छन ।