13 Jan,2025

बिराटनगर / पुस २९ / नेपाल कम्युनिस्ट पार्टी, किरात-लिम्बुवान प्रदेश समितिले “कोशी” नाम परिबर्तन गरि “किरात-लिम्बुवान” राख्नुपर्ने बताएको छ । यही पुस २२ र २३ गते धरानमा सम्पन्न पार्टीको बैठकको निर्णय सार्बजनिक गर्न आज बिराटनगरमा आयोजित पत्रकार सम्मेलनमा जानकारी दिदै उक्त जानकारी दिइएको हो ।

बैठकले “साम्राज्यबाद र दलाल पुजीबादका बिरुद्ध दृढतापुर्बक मोर्चा खडा गरौ । समाजबादका नेतृत्वका लागि पार्टीलाई तयार गरौ । चौतर्फी पहलद्वारा जनसम्बन्ध लाई सुदृढ गरौ ।” शीर्षकको राजनैतिक र सङगठनात्मक प्रस्ताब पारित गरेको छ । बैठकले फागुन २१ गतेदेखि एक महिने जनमार्च अभियान सन्चालन गर्ने र सो अभियान महासचिब बिप्लब तथा केन्द्रिय सदस्यहरुको नेतृत्वमा झापाको सुखानीबाट कन्चनपुरसम्मको हुने पनि निर्णय गरेको छ ।

पार्टीका प्रदेश ईन्चार्ज दिपेश सी ले सो अवसरमा बोल्दै अहिलेको सत्तामा रुमल्लिएका कम्युनिष्टहरुले पार्टी स्थापनाको सात दशक बितिसक्दा पनि कम्युनिस्ट नीति अनुरुप कामगर्न नसकेको र असफल भैसकेको बताएका छन । प्रचण्डको माओबादी केन्द्र र एमाले कम्युनिष्ट होइनन, उनिहरु कमाउनिष्ट मात्र भएको उनको दाबी छ । उनले यो संघीयता बोझिलो भएको पनि बताए । नेपालमा अमेरिकन हस्तक्षेपबादी गतिबिधी बढदै गएकोमा बताउदै उनले तिब्र रोष प्रकट गरे ।