20 Oct,2024

बिराटनगर / कार्तिक ०४ / सडकमा गेट बनाउन लागेको बाँस खसेर बिराटनगरमा एउटा कारमा गम्भीर क्षती पुगेको छ । कारमा सवार रहेका मानिसहरु भने सकुशल छन ।

बिराटनगर महानगरपालिका वडा नम्बर – ४ स्थित कन्चनबारी ( वडा कार्यालय छेउ ) मा उक्त दुर्घटना भएको हो । कन्चनबारी- इक्राही बीचको नहरमा आगामी कार्तिक २२ गते गरिने छैठ पुजालाई आकर्षक र भब्य बनाउन गेट निर्माण गर्ने क्रममा मजदुरको हातबाट अचानक बाँस खस्दा प्रदेश ३ -०१-०२४ च ८७८० नम्बरको कालो रङको होण्डाको क्रेटा कारमा उक्त क्षति पुगेको हो । कार बिराटनगर ०३ का प्रभात खड्काले चलाउदै थिए । उनी निजी कामले इक्राही तर्फ जाँदै थिए । बाँसले उनको गाडीकोअगाडीको सीसा फुटेको छ भने अन्य क्षति समेत पुगेको छ ।गाडीधनीका अनुसार उक्त गाडी मर्मत गर्न अढाई लाख भन्दा बढी नै खर्च पर्छ ।

गेट निर्माणको ठेक्का लिएका बिराटनगर भट्टाचोकको अनिल टेण्टहाउसका मालिक अनिल साहले कन्चनबारीको छैठ पुजाको लागि सबै गेट बनाउन दुईलाख एकासी हजारमा ठेक्का लिएका थिए ।