07 Aug,2024

बिराटनगर /साउन २३ – ०८१ /
बिराटनगरबाट आज १२:१५ बजे काठमाडौका लागि उडेको बुद्ध एयरको जहाज झण्डै आधा घण्टा पछि पुन: बिराटनगर नै फर्काइएको छ । आफ्ना माता पिताले उपचारका लागि काठमाडौ लैजादै गरेको एक पाँच बर्षिय बालक जहाज भित्रै सिकिस्त भएपछी काठमाडौ पुग्नलागेको जहाज पुन: बिराटनगर फर्काइएको हो ।

त्रियुगा नगरपालिका वडा न. ३ का ताराकिरण राईका ५ बर्षिय छोरा सम्योग हाङ राई सिकिस्त बिरामी भएका थिए । बालक र उनका माता पितालाई जहाजबाट ओरालेर जहाज पुन: काठमाडौ उडेको थियो ।

प्रहरीका अनुसार बालकलाई एम्बुलेन्समा तत्काल अस्पताल पुर्याएको थियो तर अस्पताल पुग्नासाथ डाक्टरले मृत घोषित गरेका थिए ।

नेपालमा दुर्घटनाको बाढी नै आएको बेला काठमाडौ उडेको बुद्ध एयरको जहाज पुनः बिराटनगर फर्काउदा यात्रुहरु अत्यन्त डराएका थिए, तर केही बेरमै ” बालक बिरामी भएकोले जहाज फर्काइएको” जानकारी एयर होस्टेजले दिएकी थिइन ।

जहाज भित्र बिरामी बालकको अबस्था देखेर सबै यात्रुका आँखा रसाएका थिए ।