17 May,2024

बिराटनगर / जेठ ४ / कोशी प्रदेशका मुख्यमन्त्री हिक्मतकुमार कार्कीले आज मन्त्रिपरिषदको बिस्तार गर्नु भएको छ । गत बैशाख २७ गते मुख्यमन्त्रीमा नियुक्ति हुनु भएका कार्कीले सोहिदिन तीन सदस्यीय मन्त्रीपरिषद गठन गर्नु भएको थियो भने आज १० सदस्यीय मन्त्रिपपरिषद बनाउनु भएको छ – जसमा एमालेबाट ६ जना र नेकपा माओबादी केन्द्रबाट ४ जना मन्त्री छन ।

नवगठित मन्त्रिपरिषदमा एमालेबाट इलामका रामबहादुर मगर – आर्थिक मामला तथा योजना मन्त्रालय, खोटाङका पाचकर्ण राई – सामाजिक बिकाश मन्त्रालय, झापाका एकराज कार्की – उर्जा सिंचाइ तथा खानेपानी मान्त्रालय, मोरङका लिलाबल्लभ अधिकारी – आन्तरिक मामला तथा कानुन मन्त्रालय छन भने सिर्जना राईलाई – मुख्यमन्त्री कार्यालयमा राज्यमन्त्री बनाइएको छ ।

त्यसैगरी नेकपा माओबादी केन्द्रबाट संखुवासभाका राजेन्द्रकुमार कार्की – स्वास्थ्य मन्त्रालय, मोरङका गणेश उप्रेती – भौतिक पुर्बाधार बिकाश मन्त्रालय, उदयपुरका नारायण बहादुर बुर्जामगर – पर्यटन बन तथा वातावरण मन्त्रालय र झापाकी बन्दना झागडलाई पर्यटन बन तथा वातावरण मन्त्रालयमा राज्यमन्त्री नियुक्त गरिएको छ । नब नियुक्त मन्त्रीहरुको सपथग्रहण आजै गरिएको छ ।

सपथग्रहण कार्यक्रम पछि बोल्दै मुख्यमन्त्री कार्कीले अब कोशी प्रदेशमा सुशासनको अनुभूति हुने कुरा बताउनु भयो ।