19 Feb,2024

बिराटनगर / फागुन ७ / बिराटनगरमा भैरहेको सौन्दर्यकर्मिहरुको लेबल २ को परीक्षा सन्चालनमा व्यापक लापरबाही भएको छ । राष्ट्रीय सौन्दर्यकर्मी युनियन नेपालको बिराटनगर कमिटीले आज पत्रकारहरुबीच परीक्षाका मूल्याङ्कनकर्ताहरुको लापरबाही र गैरजिमेबारिपनाको उजागर गरेको हो । उक्त अवसरमा ब्युटिसियनहरुको परीक्षामा व्यापक पक्षपात र धाधली गरिएको बताइएको छ ।

परीक्षामा ” आफ्ना ” पृयपात्रलाई छुट्टै कोठामा राखेर परीक्षा लिएको र अरुलाई ” तिमी फेल भयौ, चैतमा फेरि आउनु ” भन्दै पन्छाउने गरेको पाइएको छ । पास गराउनु पर्ने ५ जना छनौट भैसकेको कुरा मूल्याङ्कनमा खटेकाहरुले त्यतिबेलै भनेको कुरा पनि ब्युटिसियनहरुले बताएका छन । मुल्यङ्कनकर्ता सुमी श्रेष्ठ र उनकी एक साथी रहेको बताइएको छ । CTEVT को नियम अनुसार मुल्यांकनको रिपोर्ट प्रत्येक दिन परीक्षा सकिनासाथ सिलबन्द गरि केन्द्र( CTEVT ) मा पठाउनु पर्ने र केन्द्रले तीन महिना भित्र रिजल्ट दिनुपर्ने हुन्छ तर मुल्यांकनकर्ताले तुरुन्तै पास वा फेल सुनाए यो कहाको नैतिकता हो ? ब्युटिसियनहरुले प्रश्न गरेका छन ।

ब्युटिसियनहरुको लेबल २ को परीक्षा गत माघ ३ गते सुरु भै फागुन ९ गतेसम्म तोकिएको छ र परीक्षा केन्द्र जनपथ टोल स्थित प्राइम इन्स्टीच्युटमा राखिएको छ । प्राइम इन्स्टिच्युटमा शैद्दान्तिक कक्षा लिनेलाई मात्र पास गरिने सङ्केत परीक्षकहरुले दिएका छन । एउटा सानो परीक्षामा पनि बिक्ने गतिछाडा मुल्यांकनकर्ताहरु पठाएर CTEVT के गर्न खोजेको हो ? र कस्ता दक्ष ब्युटिसियनहरु उत्पादन गर्न खोजिएको हो, बुझ्न कठीन भएको छ ।

प्राइम इन्स्टिच्युटमा परीक्षा भैरहेको बेला कोशी प्रदेशका मुख्य मन्त्रीको सचिबालयबाट फोन आएको र पास गराउनु पर्ने ५ जना छनौट भैसकेको बताइनुले उक्त परीक्षा एउटा नाटक मात्र भएको प्रष्ट भएको छ ।

प्राइम इन्स्टिच्युटका सन्चालकहरु नन्दु खवास र रुपा श्रेष्ठ हुन । प्राबिधिक शिक्षा तथा ब्यबसायिक तालिम परिषद अन्तरगतको राष्ट्रीय सीप परिक्षण समिति सनोठिमीले प्रबिधिक परीक्षाका लागि आबस्यक पर्ने भौतिक पुर्बाधार नै नभएको ठाउलाई परीक्षा केन्द्र किन तोक्यो ? र प्राइमका ती संचालकहरुसग मुख्यमन्त्री सचिबालयको वा सानोठिमिको के सम्बन्ध छ- त्यो पनि अनौठै बिषय छ ।

एक सिफ्टमा आठजनाको प्राक्टिकल हुन्छ, प्राइममा एउटा मात्र बेशन छ, आठ घण्टाको समय भित्र सबै काम कसरी सक्ने ? त्यहा माथी परीक्षकहरुले बीच बीचमा यो र त्यो भनेर टर्चर गर्छन – एक परीक्षार्थीले दु:ख पोखिन । उनले मुल्यांकनकर्ताहरुले हामी परीक्षार्थीहरुको खिल्ली उडाउने, अपमान गर्ने,हप्काउने गरेको समेत बताइन ।