राजसंस्था पुनरस्थापनाको आन्दोलन चर्किदै

काठमाण्डौ / चैत २ / केही महिनादेखि सुरु भएको राजाबादीहरुको आन्दोलन जारी रहेको छ । “राजा आउ, देश बचाउ” , “हाम्रो राजा हाम्रो देश – प्राणभन्दा प्यारो छ”, “राजा – जनता एक हौ, संघीयता खारेज गर,” जस्ता नाराहरु दिन दिनै चर्कदै जान थालेको छ । यतिखेर नेपाली जनता राजतन्त्रबादी र गणतन्त्रबादीको रुपमा दुई भागमा बिभक्त देखिएका छन ।

सत्ताको अनुभव बटुलीसकेका गणतन्त्रबादी शीर्षस्थ नेताहरु ठुला ठुला भ्रष्टाचारमा बदनाम भैसकेका छन । उनिहरुकै कारण देशको अबस्था बिग्रदै गएको र देश नै रहने वा नरहने अबस्थामा पुगेकोले अब राजसंस्थाको पुनरस्थापना मात्र एकमात्र बिकल्प रहेकोले हामी “वार कि पार”को लडाइमा होमिएका हौ, आजको जुलुसका सहभागीहरुले बताएका छन । उनिहरुले भ्रष्टाचारीहरुले लुटेको राज्यको सम्पत्ती राष्ट्र कोषमा फिर्ता ल्याउने र कानून बमोजिम भ्रष्टहरुलाई सजाय दिइछोड्ने कसम समेत आफुहरुले खाएको आन्दोलनकारीहरुले बताएका छन । यो सम्भब होला त ? एक प्रश्नको जवाफमा उनिहरुले हामी जनता र सेनाको सहयोगमा सम्भब हुने ठोकुवा समेत गरे ।

झन्डै दुई महिना राजाले गरेको पश्चिम नेपालको भ्रमणको अवसरमा त्यहाका जनताको भावना र चाहना तथा सुझाबको कदर स्वरुप फागुन ६ को सम्बोधन आएको बताइन्छ ।

राजाको सो सम्बोधन पछि काठमाण्डौमा मात्र नभएर देशका सबै प्रमुख शहरहरुमा समेत राजसंस्था र राजाको पक्षमा जुलुसहरु भएका छन । झापा, बिराटनगर, पोखरा, बुटवल लगायतका शहरहरुमा राजाको शासनको माग गर्दै जुलुसहरु निस्किएका थिए । यतिखेर राजाबादीहरु मात्र नभएर केही गणतन्त्रबादीहरु पनि कुनै न कुनै रुपमा राजाको नजिक हुने प्रयासमा लागिसकेका छन । हिजोसम्म राजाको बिरुद्द उग्ररुपमा बोल्दै हिड्ने र राजामाथी कठोर वचन बोल्नेहरु अहिले केही नरम बन्दैछन भने कसैको बोली फेरिदै गएकोबाट राजाबादीहरुले आफ्नो आन्दोलन सफल भैछोड्ने आकलन गरेका छन ।