प्रतिबेदन सार्बजनिक

अनौपचारिक क्षेत्र सेवा केन्द्र ( इन्सेक ) को कोशी प्रदेश समितिले सङ्खुवा सभाको खादबारी कारागारमा दुई कैदीको सङ्कास्पद मृत्युको बिषयमा स्थलगत अध्ययन गरि प्रतिबेदन सार्बजनिक गरेको छ । हिजो साउन ३२ गते नेपाल पत्रकार महासङ्घ मोरङ्को सभाहलमा इन्सेकले आयोजना गरेको पत्रकार सम्मेलनमा ड्युटीमा रहेका सुरक्षाकर्मीले नै चरम यातना दिई मारेको दाबी समेत गरेको छ ।

चोरी मुद्दामा कैद सजाय भोगिरहेका सङखुवा सभा, मादी ५ का १९ बर्षका बिनोद तोलाङ्गी र बलात्कार मुद्दामा सजाय खेपिरहेका नुवाकोट, ककनी ७ का २८ बर्षका आकास बलामीको प्रहरीकै कुटपीटका कारण मृत्यु भएको दाबी इन्सेकले गरेको छ । उक्त घटना साउन २४ गते घटेको थियो ।

खादबारी कारगार भित्रको उक्त घटना मानव अधिकारको गम्भीर उल्लङ्घन भएकोले उच्चस्तरीय छानबिन समिति गठन हुनुपर्ने माग इन्सेक तथा पीडितका आफन्तले गरेका छन ।