ECD सम्मेलन हुँदै

बिराटनगर / मङ्सिर ०७ / यही मङ्सिर २१ र २२ गते बाल बिकास सम्बन्धी अन्तर्राष्ट्रिय सम्मेलन हुने भएको छ । पूर्बान्चल बिश्व बिद्यालय, शिक्षा शास्त्र संकायको आयोजनामा उक्त सम्मेलन हुन लागेको हो । सम्मेलनको उद्घाटन कोशी प्रदेशका मुख्यमन्त्री हिक्मतकुमार कार्कीले गर्ने कार्यक्रम छ ।

“Envisioning Early Childhood Development ( ECD ) Ecosystem in Nepal” बिषयमा उक्त सम्मेलन केन्द्रित हुनेछ । सम्मेलनमा बाल बिकासको क्षेत्रमा बिषय बिज्ञहरु बीच गहन छलफल हुनेछ ।सम्मेलनमा सबै क्षमता भएका बालबालिका लक्षित नीति, विशेष आबस्यकता भएका बालबालिकाको हेरचाह, बालबिकाशको क्षेत्रमा आबस्यक जनशक्ति, पेशागत बिकास र जलबायु परिबर्तनले बालबालिकामा पारेको प्रभाब आदिका सम्बन्धमा ४० जना भन्दा बढी स्वदेशी तथा बिदेशी विद्वानहरुले आ-आफ्नो अनुसन्धान, अनुभव तथा कार्यपत्र प्रस्तुत गर्नेछन । त्यसका अतिरिक्त ११ वटा कार्यशाला समेत सन्चालन हुनेछन । सम्मेलनमा बिदेशबाट आएका अनुसन्धाताको अनुसन्धान र अनुभबले बिशेष महत्व राख्नेछ ।

यो सम्मेलनबाट प्राप्त निष्कर्ष पूर्बान्चल बिश्वबिद्यालय अन्तर्गत शिक्षा शास्त्र संकायले निकट भबिश्यमा सन्चालन गर्ने “Special centre for the study of ECD” का लागि सहयोगसिद्ध हुनेछ ।

सम्मेलनमा नेपाल, भारत, मलेसिया, भुटान, पाकिस्तान, बाङ्लादेश, अमेरिका, बेलायत लगायत १५ देशका २०० भन्दा बढी बालबिकास प्रेमीहरुको सहभागिता रहने छ । सम्मेलन बिराटनगर स्थित बिग होटलमा सन्चालन हुने र २६ लाख बढी खर्च हुने बताईएको छ । यो कार्यक्रमका लागि काठमाण्डौ महानगरपालिका, बिराटनगर महानगरपालिका, सेभ द चिल्ड्रेन, नबिल बैंक, प्लान इन्टरनेशनल र पी.यु. स्वयमको आर्थिक सहयोग रहनेछ ।

बिश्वबिद्यालयको एउटा संकायले अन्तर्राष्ट्रिय स्तरको कार्यक्रम गर्न लागेको यो पहिलो पटक हो । नेपालका गर्भाबस्थादेखी ८ बर्षका बालबालिकाको बिकासको लागि यो कार्यक्रम महत्वपूर्ण सबित हुने बिश्वास गरिएको छ ।