शिवालयको साधारण सभा सम्पन्न

बिराटनगर / कार्तिक २४ / शिवालय बचत तथा ऋण सहकारी संस्थाले आफ्नो १६ औ साधारणसभा आज सम्पन्न गरेको छ । बिराटनगर – ४ स्थित कन्चनबारी माध्यमिक बिद्यालय प्राङ्गणमा सो सभाको आयोजना गरिएको हो ।

सो अवसरमा संस्थाका अध्यक्ष यशबहादुर क्षेत्रीले आ.ब. २०८०/८१ को आय-ब्यय र २०८१/८२ का लागि नीति तथा कार्यक्रम प्रस्तुत गर्नुभयो भने लेखा समिति संयोजक गणेश बिमलीले लेखा बिबरण पेश गर्नुभयो ।

कार्यक्रमका प्रमूख अतिथी जीतन थापाले सो अवसरमा बोल्दै २६ जना शेयर सदस्यबाट सुरु गरिएको सो सहकारीमा हाल ३०७ जना सदस्य रहेको र ३ लाख ५१ हजार रुपैयाबाट सुरु गरेको सो संस्थाको पुजी हाल ३ करोड ३० बढी पुगेको प्रतिबेदन अध्यक्षबाट सुन्न पाएकोमा खुशी लागेको बताउनु भयो ।

आजको कार्यक्रममा संस्थाले जेष्ठ सदस्यहरु श्रीमती निलम दाहाल र साजीलाल माझीलाई सम्मान गरेको छ । संस्थाको नीति अनुसार आज शेयर सदस्यका बृद्ध माता पिताहरु सीता अधिकारी, गोमा अधिकारी र कमलादेबी मिश्र सम्मानित हुनुभएको छ । उत्कृष्ट बचत कारोबारी प्रकाश श्रेष्ठ र उत्कृष्ट ऋण कारोबारी तारादेबी राजबङ्शीलाई पनि आजै सम्मान गरिएको छ ।त्यस्तै उत्कृष्ट विद्यार्थी कबिता गुरागाई, गरिब तथा जेहन्दार विद्यार्थीहरु सुजीता शर्मा र सुशान्त माझीलाई सोही कार्यक्रममा पुरस्कृत गरिएको छ ।

कार्यक्रममा ज्ञानेन्द्र ढकाल र राजेन्द्र भट्टराई आदीले बोल्नु भएको थियो ।