“मेम्बर बा” बिमोचित

बिराटनगर / असार १९ / स्वर्गीय पिता मेम्बर चन्द्रलाल दाहालको जीवन र सङ्घर्षमा आधारित पुस्तक ” मेम्बर बा ” गत १५ गते शनिबार बिराटनगरमा एक कार्यक्रमका बीच बिमोचन गरिएको छ । पिता चन्द्रलाल दाहालका परिबार भित्रका पन्चकन्याहरुले उक्त पुस्तकको बिमोचन गरेका थिए ।

पिता चन्द्रलालका जन्तरे छोरा भानुभक्त दाहालको सभापतित्वमा सम्पन्न भएको सो कार्यक्रमको प्रमूख अतिथी कोशी प्रदेशका आन्तरिक मामला तथा कानून मन्त्री मा. लिलाबल्लभ अधिकारी हुनुहुन्थ्यो ।

सो कार्यक्रममा कोशी प्रदेशका पूर्ब सामाजिक बिकाश मन्त्री जीवन घिमिरे, प्रदेशसभा सदस्यहरु मा. भिम पराजुली, मा. जयप्रकाश चौधरीको उपस्थिती थियो । सो कार्यक्रममा बरिष्ठ साहित्यकार कबिराज न्यौपानेले पुस्तकको समीक्षा गर्दै आजभन्दा ५०-६० बर्ष अगाडि नै जातीय भेदभाब बिरुद्द सकृय रहेका, छुवाछुत बिरुद्द कदम चालेका तथा गरिब,निमुखा,र पीडित नागरिकको पक्षमा उभिने चन्द्रलाल दाहाल मादीको मात्र नभएर राष्ट्रकै अनुकरणीय ब्यक्ती रहेको बताउनु भयो ।