बिराटनगरमा एमपिएल क्रीकेट प्रतियोगिता हुँदै

बिराटनगर/ फागुन १३/ आगामी फागुन १६ गतेदेखी बिराटनगरमा एम. पी. एल. क्रीकेट प्रतियोगिता हुने भएको छ ।उक्त प्रतियोगिता चार दिनसम्म चल्नेछ ।

मारबाडी प्रीमियर लिग क्रीकेट प्रतियोगिता(एमपिएल) आयोजक समितिले उक्त जानकारी दिएको हो । आगामी फागुन १६ गतेदेखि १९ गतेसम्म सन्चालन हुने सो प्रतियोगितामा ५ टिमको सहभागीता रहने छ ।

मारबाडी समुदायका युवाहरुलाई खेल क्षेत्रमा आकर्षण गर्ने उद्देश्यले एमपीएलको आयोजना गर्ने गरिएको हो । बिगत १५ बर्षदेखी नेपाल अग्रवाल युवा मन्चले उक्त प्रतियोगिता सन्चालन गर्दै आएको छ । यस बर्ष एमपिएलमा प्रथम हुने टीमलाई नगद ६१ हजार सहित ट्रफी, मेडल प्रमाणपत्र दिइने छ भने दोश्रो हुने टीमले नगद २१ हजार, ट्रफी, मेडल सहित प्रमाणपत्र पाउने छन । उक्त खेल सम्पन्न गर्न करिब ११ लाख रुपैया खर्च लाग्ने बताईएको छ ।

रङेली नगरपालिकाका मेयर दिलिप बगडीयाले उद्घाटन गर्ने उक्त खेलको समापन भने ने रा मारबाडी परिषद अध्यक्ष पवन मित्तलले गर्ने कार्यक्रम छ ।