मोरङमा काङ्ग्रेस अगाडी

बिराटनगर / २०८२ फागुन १८ /

बहुप्रतिक्षित सम्सदीय निर्बाचन हुन अब २ दिन मात्र बाकी छ । आज राती १२ बजेदेखि मौन अबधी सुरु हुदैछ । देशको ब्यबस्थापिकाको प्रत्यक्ष तर्फको १६५ स्थान र समानुपतिक तर्फको ११० स्थानको लागि उम्मेदवारले मतदाताहरुलाई रिझाउने काम आजदेखि सम्पन्न गरेका छन ।

बिगतका चुनाबहरुमा उम्मेदवारहरुको पुरानै अनुहार दोहरिने, तेहरिने गरेकोमा यसपटक केही नया अनुहार पनि मैदानमा देखिएका छन । मतदातामा यसपटक देखिएको चेतनाको प्रभाब स्वरुप देशमा बिगतको तुलनामा फरक नतिजा देखिने आकलन बिष्लेषकहरुले गरिरहेका छन ।

मोरङको चुनाबी सरगर्मी उच्चबिन्दुमा पुगेको छ । राजनीतिक बिश्लेषकहरुका अनुसार मोरङको क्षेत्र नम्बर १ मा नेपाली काङ्ग्रेसका खड्गबहादुर फागो र रास्वपाका यज्ञमणि न्यौपाने बीच कडा प्रतिष्पर्धा छ । एमालेका घनस्याम खतिवडा तेश्रो पङ्तिमा रहेको बताइन्छ ।

मोरङको क्षेत्र नम्बर २ मा काङ्ग्रेसका डा. मिनेन्द्रकुमार रिजाल, एमालेका दिलिपकुमार बगडीया, र रास्वपाका कृष्णकुमार कार्कीका बीच कडा प्रतिष्पर्धा छ ।

क्षेत्र नम्बर ३ मा काङ्ग्रेसका डा. सुनिलकुमार शर्मा र रास्वपाका गणेश कार्की बिच प्रतिष्पर्धा छ तर कार्कीभन्दा डा. शर्मा धेरै अगाडि रहेको बताइन्छ । क्षेत्र न. ४ मा काङ्ग्रेसका गुरुराज घिमिरे अग्रपंक्तिमा हुनुहुन्छ भने उनलाई नेपाली कम्युनिस्ट पार्टीका अमनलाल मोदी र एमालेका जीवन घिमिरेले पछ्याइरहनु भएको छ ।

क्षेत्र न. ५ मा काङ्ग्रेसका फुलकुमार लालबानी, नेकपाका शिबकुमार मण्डल र राजकुमार यादबका बीच प्रतिष्पर्धा छ ।

मोरङको क्षेत्र न. ६ मा एमालेका बिनोद ढकाल, काङ्ग्रेसका डा. शेखर कोइराला र रास्वपाकी रुबिना आचार्यका बीच कडा प्रतिष्पर्धा छ ।

यसपटकको चुनाबमा मोरङमा नेपाली कम्युनिस्ट पार्टीको चर्चा परिचर्चा कमजोर देखिएको छ भने रास्वपाले आफ्नो उपस्थिती बढाएको छ । यो चुनाबमा मोरङका ६ सीटमद्दे काङ्ग्रेसले तीनवटा क्षेत्रमा,एमालेले दुईवटा क्षेत्रमा र अन्यले एउटा क्षेत्रमा बिजय हाशिल गर्ने अडकलबाजी गरिएको छ ।