एक्स्पोको समापन

बिराटनगर / २०८२ पुस १९ / उद्योग ब्यापार संगठन, मोरङको आयोजनामा गत पुस ९ गतेदेखि सुरु भएको बिराट ट्रेड एक्स्पो २०८२ नामक मेला आज १९ गते सकिएको छ । मेलास्थल बिराटनगर – १ स्थित शान्ती चोकमा आज बिहान आयोजना गरिएको धन्यबाद ज्ञापन कार्यक्रममा यस बर्षको एक्स्पो सफल भएको दाबी गरिएको छ ।

आजको धन्यबाद ज्ञापन कार्यक्रममा बोल्दै आयोजक संस्थाका अध्यक्ष अनुपम राठीले बिगतका एक्स्पोहरुबाट केही निरास भएको उद्योग व्यापार संगठन यस बर्षको एक्स्पोबाट भने केही प्रोत्साहित बनेको बताउनु भयो । यो एक्स्पो ब्यबसायीहरुलाई उत्साहित बनाउन सफल भएको उहाको दाबी थियो ।

बिराट ट्रेड एक्स्पो २०८२ का संयोजक अमित शारडाले सबैपक्षको सहयोगले यो सफल भएको दाबी गर्नुभयो । सल्लाहकार नवीन रिजालले एक्स्पो सफल बनाउन सक्रिय रहने सबैलाई धन्यबाद ज्ञापन गर्नुभयो । स्टल संचालक रुचिका जैनले आफुजस्ता युबा उद्यमीको लागि यो राम्रो मौका भएको र युबा उध्यमीहरुलाई उत्पादन बढाउन हौसला प्राप्तभएको बताउनु भयो ।

यस बर्षको एक्स्पोमा १९२ स्टल रहेको, अटोमोबाइल र खानाका ३६ पसल रहेको बताइएको छ ।मेलामा एकलाख पचास हजार बढी मनिसहरुले भ्रमण गरेको तथा करिब ५० करोड रुपैया बराबरको कारोबार भएको कुरा एक्स्पो संयोजक अमित शारडाले जानकारी दिनुभयो ।